Nú liggja niðurstöður úr löggildingarprófum fyrir og hafa bréf með niðurstöðum verið send til þátttakenda. Alls skráðu sig 49 einstaklingar í prófin, 25 karlar og 24 konur.  Í nýja prófið skráðu sig alls 24, en samtals 25 í einstök próf samkvæmt gamla fyrirkomulaginu.

Útkoman er sem hér greinir eftir einstökum prófum:

Próf samkvæmt gamla fyrirkomulaginu:

• Endurskoðun: 3 mættu í próf, 1 náði lágmarkseinkunn eða  33%. 
• Reikningsskilafræði: 18 mættu í próf, 9 náðu lágmarkseinkunn eða 50%
• Gerð reikningsskila: 18 mættu í próf, 9 náðu lágmarkseinkunn eða 50%.
• Skattskil: 7 mættu í próf, 3 náðu lágmarkseinkunn eða 43%.

Nýja próffyrirkomulagið: 23 mættu í prófið sem tekið var 20. og 22. október, 9 náðu lágmarkseinkunn eða 39%. 

Alls er gerð tillaga um að 17 endurskoðendur útskrifist, 10 karlar og 7 konur.